Қазақстанда TechConnectAstana форумы шеңберінде ASTEX-2015 конференциясы өтеді.

• 09.11.2015
• Санат: Көлік

Қазақстан Республикасы Инвестициялар және даму министрлігі «Зерде» Ұлттық инфокоммуникация холдингі» акционерлік қоғамымен бірлесіп, HappyFarm халықаралық бизнес-акселераторының қатысуымен 2015 жылғы 12 қарашада Астана қ. Тәуелсіздік сарайында Techconnect.tech ауқымды технологиялық форум шеңберінде «Басқаруға арналған үлкен және ашық деректер» тақырыбына ASTEX-2015 конференциясын өткізуді жоспарлап отыр.

Конференцияның мақсаты сарапшылар үшін өз зерттеулерінің нәтижелерін, олардың даму болашағы және Үлкен және Ашық деректер саласында тәжірибелік қолдануын талқылауға арналған алаң ұсыну, әрі қарай осы бағыттардың Қазақстанда дамуына ықпал ететін неғұрлым қызық жобаларды халыққа ұсыну болып табылады.

Цифрлық қоғамдастыққа көшу қарсаңында өзекті мәселе осы Конференция шеңберінде талқыланатын Ашық үкімет қағидаты болып табылады.

Techconnect.tech конференциясы шеңберіндегі ASTEX-2015, Үлкен деректер саласында ірі халықаралық ұйымдардың және EMC, Microsoft, SAP зерттеу институттарының, MIMOS Халықаралық зерттеу және әзірлеу орталығының әлемдік сарапшыларын, сондай-ақ қазақстандық АКТ компаниялары мен мемлекеттік сектордың өкілдерін жинайды. Жалпы алғанда шараға 150 астам адам қатысады.

Бұдан басқа, шараның шеңберінде EMC компаниясының және «Ұлттық ақпараттық технологиялар» АҚ Үлкен деректер зертханасының бірлескен зерттеулердің нәтижелері, сондай-ақ әлемдік және қазақстандық АКТ нарығының инновациялары көрсетілетін көрме ұйымдастырылатын болады.

Конференцияға тіркелу мен толығырақ ақпаратты осы жерден алуға болады.