Астанадағы Тechconnect.tech-те Ашық және Үлкен деректер талқыланды
- 13.11.2015
- Санат: Көлік
12 қарашада астаналық Тәуелсіздік сарайында TechConnect.tech - Инновациялар мен IT жөніндегі Орталық Азияның ірі форумы аясында өткен ASTEX конференциясында Қазақстандағы Ашық және Үлкен деректерді дамыту мәселелері талқыланды.
Іс-шараның мақсаты – болашақта Қазақстанда Үлкен және Ашық деректер саласының дамуына ықпал ететін осы саладағы зерттеулер нәтижелері мен олардың даму болашағы және тәжірибелік қолдануын талқылауға арналған алаң ұсыну.
«Ашық үкіметті» енгізу, орталық мемлекеттік органдардың статистикалық деректер қорларының онлайн қолжетімділігі, азаматтардың тиісті бюджет жобаларын талқылауға қатысу механизмдері - осы үш қадам Мемлекет басшысының Қазақстанның әлемнің 30 дамыған елдер қатарына кірудің бес институционалдық реформалары тұрғысында «Есеп беруге тиісті мемлекетті құру» реформасын жүзеге асыру үшін белгіленген болатын.
Аталған қадамдар аясында Қазақстанда ашық үкіметті дамыту бойынша ауқымды жұмыс атқарылып жатыр. Мемлекеттік органдардың әр түрлі деректерінен құралған 300-ден астам деректер жиынтығынан тұратынАшық деректер порталы, заңдардың қабылданар алдында азаматтармен талқылануына мүмкіндік беретінАшық НҚА порталы, мемлекеттік органдар мен азаматтар арасында кері байланысты орнату үшін Ашық диалог алаңы құрылды.
Заң шығару базасы бойынша жұмыстар атқарылуда. Қазіргі таңда ҚР Парламентімен «Ақпаратқа қолжетімділік туралы» және «Ақпараттандыру туралы» заң жобалары мақұлданды. Оларға «ашық деректер» түсінігі енгізіліп, мемлекеттік органдардың белгіленген уақытта машинамен оқылатын деректерді ұсынуға міндеттілігі бекітілді.
"Ашық деректер БАҚ дамуына да мүмкіндік береді. Мысалы бүкіл әлемде дамып келе жатқан data-журналистика немесе "деректердің журналистикасы" тренді. Бұл жағдайда журналистер жалпы қол жетімділіктегі ақпаратты түрлі есептер, статистика және тағы басқа түрлерде қолдана алады. Бұл ақпарат журналистермен өңделгеннен кейін көпшілікке түсінікті болады. Бірақ бұл ақпаратпен жұмыс істеу үшін қылқалам қызметкерлері кейбір теxникалық дағдыларды игеру керек. Біз аталғаннан бағытта БАҚ-пен ынтымақтастықты жоспарлап отырмыз, себебі ашық деректер олар үшін үлкен мүмкіндік береді" - деп АSTEX конференциясында "Ұлттық ақпараттық теxнологиялар" АҚ басқарма төрағасы Руслан Еңсебаев xабарлады.
Сонымен қатар АSTEX-те eGov, mGov жобалары және ЕМС компаниясы мен "ҰАТ" АҚ Деректерді өңдеу орталығының бірлескен зерттеулерінің нәтижесі ұсынылды. Бұл зерттеулер интернеттегі ақпарат, соның ішінде әлеуметтік желілердегі 700-ден астам пост пен 4,5 миллион комментарий негізінде үлкен деректер теxнологиясын қолдану арқылы талдау жасауға мүмкіндік береді. Бұл талдау азаматтардың электрондық қызметтерді қолданудағы ниеттестігін анықтап, қызмет көрсетудің сапасын арттыру үшін ұсыныс беруге мүмкіндік береді.
