Нью-Йоркте өткен WSIS саммитінде Қазақстандағы ақпараттық қоғамның дамуын талқылады
- 18.12.2015
- Санат: Көлік
Қазақстан делегациясы Нью-Йоркте БҰҰ Бас Ассамблеясы шеңберінде өткен Ақпараттық қоғам мәселелері бойынша жоғары деңгейдегі бүкіләлемдік кездесуге қатысты.
Саммит барысында Президент Н.Назарбаевтың бес институционалдық реформаларын жүзеге асыру үшін Қазақстанның «Ұлт жоспары – 100 нақты қадам» бағдарламасында қойылған міндеттер WSIS мақсаттарына сәйкес келетіндігі атап өтілді.
«Ғаламдық өзгерістерге жауап ретінді осы жылы біздің Президент «100 нақты қадам» Ұлт жоспарын қабылдады, олардың кем дегенде 10-ы ашық және есеп беруге міндетті мемлекет құруға бағытталған», – деп ҚР ИДМ Байланыс, ақпараттандыру және ақпарат комитеті Ақпараттандыру саласындағы мемлекеттік саясатты қалыптастыру басқармасының басшысы Жанат Жахметова өз сөзінде атап өтті.
«Қадамдарды жүзеге асыру үшін заңнамалық жағынан орасан жұмыс атқарылды. Мәселен, осы жылы қабылданған заңдардың бірі ИКТ-ның ары қарай дамуына бұлыңғыр есептеуді, мемлекеттік басқару функцияларын автоматтандыруда сәулеттік тәсілдемені қолдану мен ашық бағдарламалық кодты пайдалану жолымен ықпал етеді. Келесі заң ашық үкімет құруға және мемлекеттік орындардың ашық деректерінің санын көбейтуге бағытталған, сонымен қатар бюджеттердің жариялануы мен азаматтардың шешім қабылдау процестерінде кең ауқымда қатысуын ұйымдастыруға бағытталған. Және үшінші заң мемлекеттік қызметтерді көрсету бойынша біріңғай орталығы – «Азаматтар үшін үкімет» мемлекеттік корпорациясын құруға негіз береді», – деді Жахметова.
Соңғы 10 жыл ішінде Қазақстан эдектрондық үкіметті құрып оны белсенді дамытуда, ол арқылы азаматтар 700-ден астам қызмет түрлерін онлайн ала алады. Бүгінгі күнде мемлекетте онлайн форматта 100 миллионнан астам мемлекеттік қызметтер көрсетілді.
Сонымен қатар, саммит барысында қазақстандық жақпен БҰҰ өкілдері және халықаралық кеңесшілермен одан арғы өзара ынтымақтастық мәселелері талқыланды.
